提起金融海嘯相信沒有人說不知道是什麼來吧，對我來說，無可否認確實是有一定的影響，至少第一時間影響我明年初跟朋友的日遊計劃要取消。
海嘯後遺症看來續浮現，很多負面消息開始在報章內看到，先有國內工廠續倒閉，數千工人失去工作還被拖欠薪金，近日香港的銀行也開始裁員，而且數目是幾百人被裁出來，我真的有點擔心...
另一論題是兩岸真正三通，對整體兩岸人民來說是一件好事，民眾可更快前往對岸，回家的人可更快回到家裡跟家人相聚，貨物可更快更省錢的往對岸走，確實是可喜可恭的。但對香港來說呢？好笑的政府官員只說可能對香港造成短期影響，什麼中長期而言香港必能受惠，對我來說這些全都是狗話，我身處的行業，正正是看著出入口一年比一年減少，三通只會是對香港衰退更加快，我開始怕未到受惠的時候已經受害了。
人愈來愈大，膽子也愈來愈細，信心也愈來愈弱，憂慮愈來愈多，近日開始想著如何可抗生活衰退，如何在生活的小環節內省錢，如何可回到金融海嘯前的我，以下是我開始要做的事情：
（一）節省從小節開始，早上在家吃早餐，減省二十多元的支出，一個月就可以減省六百元囉！
（二）盡可能減少中午外出用膳，外出工作也盡量午飯後才出外。
（三）減少朋友聚會，又可省一點點耶！
（四）家裡的燈油火爉可省即省(差點想工人也減省，可惜沒有人照顧茄女)。
（五）茄女的課外活動看來要減省。
（六）最有效的，減省外遊次數及地點，日本～明年我可能不能來探望你囉！
以上種種節省，希望可盡快幫我爬起來吧！８８
文章標籤
全站熱搜
我一出黎做野就已經晌屋企食早餐, 同埋轉左食下午茶餐好耐喇! 唔, 食係慳唔到喇!
慳得一蚊得一蚊啦。
我一個炒麵早餐分2至3餐, 夠慳掛 即是$7 除2 或 除3 盡量晚晚食住家飯, 只是六日落樓下食啊
你個方法同茄嫂一樣，通常佢都是一份早餐分早午兩餐來吃，我諗女仔細食就可以囉，我起碼要吃一個麵，或者兩個包。
減少聚會的確會慳唔少,但朋友點都要見喎. 我幾年前已在家弄早餐回公司食, 早餐唔係用好多錢,晚餐至勁呀,所以唔係有人叫或有節日我都會在家食飯, 不過除了我大駛外,我隔離個個都勁鍾意買野, 所以呢! 我個個月都係海嘯.
當然啦，朋友一定要見的，不過要減少部份～ 你隔離果個都係因為咁鐘意買野，先可以同你咁夾，唔係咩？哈哈 你雖然見到海嘯，不過你向座金山上面喎～
最近早餐改吃麥槺~冷熱皆宜~一盒約$23，約可吃十餐~即每次2.3~最多加一杯豆奶~夠平宜吧~^^
我諗我這樣吃會死～
要節流，亦都要開源，唔應該因為金融海嘯而害怕投資，反而應該襯呢個時候檢討之前失誤嘅原因，計劃一下未來嘅投資策略． 我唔係講風涼話，我o的基金而家都冇眼睇，而家我知道自己問題所在，過往失敗經驗係未來一個借鏡，至少而家仲後生，仲有賺錢機會，同埋要記得，無論工作、金錢等，一道逃生門永遠都重要．
我還可以怎樣，好彩我唔係八十歲囉，不過諗諗吓八十歲好似好好多喎。 逃生門我冇架，如果大家既屋企有門，我就當係逃生門喇～哈哈
通知你一聲,呢邊又派! 可以大洗番D喇!
多謝通知，我已經知到，果果月派仲好...^^ 你看來又有排忙...
零售業氣氛都好差，小Q公司近來生意都麻麻，話唔定遲下都要凍/減薪又或許放無薪假期！
在不景氣之下，零售業永遠都是首當其衝影響最先的。 放心，d浪打唔低小Q既
好在咁啱無聊路過,先發現原本有人打我小報告... 其實我都好慳架,(係某D方面)...
嘩，連小蝦都出現，你多d無聊上來喇。 我地兩個男人細細聲講，女人唔打小報告都唔係好人啦....哈哈 P.S. 上次我地講既野，我決定要大唔要細，明日大既入門，細既就走(明白的人自然明白）
唔好咁灰啦，既然你可以逐小慳，投資亦唔係一定要好大銀碼先叫投資，就算你而家唔準備take action，為下一個行動作好準備呢個想法唔應該放棄囉． 襯台慶未黎，你自己諗過句金句啦，”明白的人自然會明白”唔係隨隨便便比你又大又細咁用架，又冇連相片解釋 ......
少少灰啦，不過我都仲笑得出唔會有野既，放心。 這個星期真的很累，有兩日有突發事件仲要做到半夜一兩點先收工，真係從未試過T_T 又台慶咩...又一年囉...咁快哪。我唔諗過句喇，唔用都用咗勒~~
近日還常聽到裁員的消息，不知何時才能度過這個經濟難關。大家努力，加油啦！
謝謝,大家都要努力.
阿茄要取消明年的日本行啊~~那身為你忠實讀者的我也跟著受害囉~~哈 我這次會去京都就是因為想說錢與其瞬間蒸發不如領出來自己花掉,反正已經投資失利了,再難過也無用,不如自己去旅行高興一點~~ 大家多多努力賺錢...也別忘犒賞自己,多消費多促進經濟!
聽到好一句「忠實讀者」有點害怕,我這樣慢還有讀者嗎? 我只想著自己看了. 確實明年應該會取消日本行,但會去地圖上比日本低一點的地方,你明明嗎?哈哈~ 我就是錢蒸發得太多了,現在要好好再裝備自己,所以錢不能花太多了.
積穀防饑,態度正確也.
我真的在積穀,不過未到防饑,再過兩個月我應該可以鬆綁了.